تعرف علي اهم النقاط عند شراء كمبيوتر جديد واحذر من المصطلحات الخاطئة عند معظم الناس بتركز على كلمة i7 أو i5 أو i3 والكلام ده خطأ جدا
السلام عليكم ورحمة الله وبركاتة قبل ما نبدا صل علي الحبيب محمد صل الله علية وسلم اهلا بيكم اصدقائي في مقال جديد اليوم بإذن الله سوف نتعرف علي اهم النقاط عند شراء كمبيوتر جديد واحذر من المصطلحات الخاطئة عند معظم الناس بتركز على كلمة i7 أو i5 أو i3 والكلام ده خطأ جدا
اللي عايز يشتري لابتوب او PC
معظم الأصدقاء اكتر حاجة بتركز على كلمة i7 أو i5 أو i3 ... وللاسف الكلام ده خطأ جدا ولازم نتوقف عن التفكير بتلك الطريقة ...
📌📌 صديقي واخي العزيز مهم جدا لازم و انت بتشتري تعرف حاجتين مهمين جدا 📌📌
📌أول حاجة :- جيل البروسيسور او المعالج والرقم اللي مكتوب علية !! .. هتلاقي رقم الجيل هو أول رقم من للشمال لرقم
البروسيسور او المعالج (تعرف تجيبها كليك يمين على this PC و إختار properties ) ده بالنسبة لمعالجات شركة intel
ودي صورة للتوضيح
صديقي واخويا الغالي انا بقولك الكلام ده لية ؟ علشان ممكن تلاقي معالج كور i3 جيل ثامن أعلى من معالج كور i7 جيل سابع و
ممكن تلاقي أصدار معالج كور i5 جيل ثامن أعلى من إصدار معالج كور i7 جيل ثامن بردو تابع الصورة التالية للتوضيح
وفيه العديد من الأصدقاء دلوقتي كثير بيشتروا لابتوبات مستعملة فلازم يخلوا بالهم جدا ويعرفوا الجيل مهم جدا ..
النهاردة إحنا بنتكلم في جيل عاشر ومعالجات كور i9 .. فلو الجهاز أقل من جيل رابع هتلاقيه ضعيف جدا و لو الجهاز كان جيل رابع هتلاقيه بطئ جدا..
طيب البروسيسور او المعالج مهم ليه لأن ده يعتبر عقل الكمبيوتر لو ضعيف هتلاقي كل حاجة ضعيفة!!..... فإحذر من حاجة مهمة
جدا بيعملها البائع بيجي البائع يفتكرك انك مغفل و يقول لك ده معالج كور i7 و يبيع لك جيل ثاني أو ثالث أو رابع طبعا انت فاكر إن
هتشتري حاجة محصلتش وهيكون معاك حاجة سوبر !!
📌ثاني حاجة او نقطة :- كرت الشاشة تاني حاجة مهمة مهمة جدا تسأل عليها .... و خلي بالك من كلمة Up to هههههه ده كلمة بينصبوا بها البائعين على الزبون لو انت هشتري لابتوب مستعمل فلازم تفكر اقل حاجة أقل من جيل رابع فإياك تجيب جهاز بدون ما يكون فية كرت شاشة خارجي على الأقل 2 جيجا لأن كرت الشاشة الداخلي من الطبيعي جدا هتلاقيه ضعيف جدا ... أما لو هتشتري لابتوب جديد جيل ثامن حتى لو بدون كرت شاشة خارجي هتلاقيه شغال معاك كويس .... و حاجة بردو مهمة جدا لازم تركز فيها وانت وبتشتري كرت الشاشة اللي 4 جيجا نوعة DDR3 لأي جهاز قديم أو استراد يعادل كرت شاشة 2 جيجا فقط من نوع GDDR5
...
#طيب الخلاصة انا صدعت دماغوا ع الفاضي هههههه لو عايز تشتري لاب توب تجيب ايه ...
أولا لو هتجيب لابتوب مستعمل مثلا هيكون فيه ليك 3 اختيارات ...
الأول تشتري لابتوب مش مشهور او اصدار قديم بسعر كويس بس المشكلة إن لو حصل له حاجة فصعب جدا تصلحه فبلاش منه احسن .... و الثاني تشتري لابتوب مستعمل استراد مشهور (متوافر دائما) و ده لازم يكون جيل رابع و كرت الشاشة فيه لايقل عن 2 جيجا و لا يقل عن معالج كور i5 و هتلاقيه في حدود 3-5 آلاف جنيه .... و الثالث إنك تشتري لابتوب مستعمل استعمال مصري و ده إسمه "شرق أوسط" و ده هتلاقيه في حدود 4-6 آلاف و ده افضل حاجة تشتريها لأن قطع غياره متوفرة دائما جديدة في مصر
📌ثالث حاجة او نقطة :- لو هتشتري لابتوب جديد و ده الأفضل ليك واللي انا بنصحك بية ع طول ... اشتري أقل حاجة جيل ثامن ... ممكن تلاقي البائع بيقول عنده لسة جيل سابع و سادس و عايز يخلص منهم و هيبعهم بنفس سعر الجيل الثامن أو أغلى كمان بيعتبرو الزباين مغفلين ههههههههه !! فلازم تخلي بالك
أي نوع شركة مش هتفرق أوي ... فلو لقيت شركة عامله لابتوب بكارت شاشة أعلى من شركة أخرى و الاثنين بنفس الثمن يبقى هات الأعلى طبعا لان هيكون افضل ليك ..
هتلاقي اسعار الجيل الثامن لمعالج كور i3 في حدود 5400-5800 جنية ومعالج كور i5 في حدود 8000 - 9000 ومعالج كور i7 في حدود 10000- 12000
...
أما الهارد ديسك أو الرامات ده آخر حاجة تفكر فيها لأن ممكن أي لابتوب تركب فيه الهارد ديسك اللي نفسك فيه و الرامة اللي نفسك فيها ...
....
#وأخيرا أحب أكرر إن معالج كور i3 جيل ثامن أو حتى سابع #أعلى من كل معالج كور i7 أو معالج كور i5 المستعمل لأن آخيرهم جيل خامس بحد أقصى ... فوفر فلوسك و اشترى حاجة جديدة سيكون متوفر لها..
....
#وأرشح لكم ...
1) أرخص حاجة لينوفو IdeaPad 130-15IKB فيه معالج كور i3 جيل سابع بس فيه كارت شاشة بسعة 2 جيجا على جوميا ب 5400 جنيه... ده أعلى من كل المستعمل اللي أقل من الجيل الخامس ..
.
2) لاب متوسط HP-15-da1018ne فيه معالج كور i5 جيل ثامن #ضعف امكانيات معالج كور i3 جيل السابع بالإضافة فيه منه نوعين ب 8000 كارت شاشة بسعة 2 جيجا و فيه ب 8900 بس كارت الشاشة اللي فية 4 جيجا من نوع GDDR5 و ده طبعا اللي أفضل ... طبعا لسة في ناس ناصحة هتقول تجيب معالج كور i7 .... أحب أصدمك و أقول لك إن معالج كور i5 ده رقمه 8265U أعلى من بعض إصدارات معالجات كور i7 جيل ثامن اللي هتلاقيها موجودة في مصر اللي بتوصل ل 11 ألف جنية ... بس اللي يفهم!!
.
3) لاب عالي فيه ب 40 ألف جنية ده تجيبه و تدعي لي🤫
📌تحديث للمعلومات📌
📌📌 طيب ايزاي تفرق بين الأنواع المختلفة للمعالجات على حسب النقاط التالية📌📌
ملاحظه مهم جدا صديقي الغالي : بعض المغالطات الشائعة عن المعالج او البروسيسور
ملاحظه مهم جدا صديقي الغالي : بعض المغالطات الشائعة عن المعالج او البروسيسور
تعودنا فى بلادنا العربية ان اى شيى يزيد يكون افضل , فإذا سألت المستخدمين عن ما هو الاقوى ؟ معالج بتردد 2 جيجا هرتز ام اخر تردده 3 جيجا هرتز ستكون 99 % من الإجابات وبشكل قاطع ان المعالج بتردد 3 جيجا هو الافضل
فماذا اذا علمت ان المعالج الثانى من الجيل الاول من انتل والاول من الجيل السادس من انتل !! فكيف ستكون ردة الفعل؟
التردد عامل من عوامل قوة المعالج ولكن ليس هو المقياس الاول والاخير في تلك الحالة
1)• التقنيات المزود بها المعالج
كل يوم تتطور التكنولوجيا بشكل كبير وسريع جدا عن اليوم الذي يلية مما يؤدى الى تحسين الأداء في المعالجات فمثال، تقنية الترابط التشعبي ( hyper Threading ) والتي تعمل على تشغيل أكثر من عمليه في نفس الوقت مما يؤدى الى توفير الوقت في المعالجة، ايضا هناك تعزيز القدرة بتقنية التربو ( Turbo Boost ) والتي تعمل على توفير الطاقة عن طريق جعل المعالج يعمل على أقل تردد ثم تزداد السرعة حسب االستخدام إلى أن تصل إلى أقصى سرعة للمعالج.
2)• عدد الأنوية تو الكورات ( Core )
المعالج يتكون من مجموعه من الترانسيستورز وتكون النواه او الكور هى مركز المعالج
كلما كان عدد الأنوية او الكورات ( Core ) أكبر كلما كان أفضل في المعالجة، في جهاز الحاسوب المحمول أو اللاب توب جميع
المعالجات تتكون من 2 نواة على الأقل، إلا المعالج كور ( Core i7 ) والذي يأتي احيانا في بعض المعالجات رباعي النواة.
ملاحظه مهمة جدا صديقي الغالي : لا تستهين ابداً من المعالج ثنائى النواه فهو قادر على تشغيل جميع ما تحتاج اليه , بل إن برامج قليله
فقط هى التى تستفاد من المعالجات رباعيه النواة
3)• ذاكرة الكاش ( "الذاكرةالمخبئية" ) ( cache memory )
الكاش ميموري هي إحدى الذاكرات الإكترونية صغيرة الحجم وأسرع من الذاكرات العادية وتكون مدمجة مع المعالج نفسه، ويتم تخزين البيانات التي يستخدمها المعالج بشكل متكرر، حتى ان الكاش ميموري أسرع من الرامات لذلك يستخدمها المعالج في التخزين ليعطي أداء أسرع وأقوى
فمثلاعند مذاكرة كتاب في الرياضيات وهناك قوانين تتكرر معك كثيرا ففي هذه الحالة تكتب القوانين
المتكررة في ورقة خارجية لكي ترجع اليها بسهولة. كلما ذادت سعة ذاكرة الكاش الكاش ميموري تتضاعف سرعة المعالج الدقيق وبالمثل تكون الزيادة كبيرة في السعر.
4)• تردد المعالج او البرسيسسور
يقاس تردد المعالج بالجيجا هرتز كما ذكرنا، وكلما زاد التردد كلما زادت قوة وسرعة المعالج
ولكن مع أخذ الإعتبارات السابقة، فكلما زاد التردد زاد سعر المعالج فيجب عليك إختيار المعالج المناسب لك والستخدامك.
5)• الجرافيك Gpu او كروت الشاشة
فى داخل كل معالج هناك كارت شاشة داخلى وهنا تتميز شركة AMD العملاقة فى الكروت الداخليه لمعالجتها وذلك لانها تكون قادرة على تشغيل برامج الجرافيك والالعاب على الاعدادات المتوسطة ,اما انتل فعملت علي تطوير كروت الشاشة الداخليه الخاصه بها مما جعلها غير منافسة ايضاً لشركة AMD العملاقة , فكيف ذلك وشركة AMD من اكبر شركات صناعة كروت الشاشة الخارجيه فى العالم
6)• جيل المعالج او البرسيسور
بدأت اقوى سلسلة من معالجات شركة إنتل ( Intel ) في سلسلة الأنوية المتعددة
؛ ( core i3 , i5 , i7, i9 ) و بدأت عام 2011 وهو الجيل الأول من معالجات core
كيف تعرف جيل المعالج او البرسيسور ؟
يمكنك تحديد الجيل الذي ينتمي إليه المعالج بواسطة الرقم الأول في اسم الطراز المكون من أربعة أرقام، والذي تجده مباشرة بعد العلامة أو الخطّ الصغير (ـ)، فعلى سبيل المثال، ينتمي معالج Intel Core i3- 8250k إلى الجيل الثامن.
ولمزيد من المعرفة واكتساب الخبرة فإنّ الأرقام الثلاثة الأخرى تشير إلى تقييم Intel الخاص لكيفية مقارنة المعالج مع المعالجات الأخرى ضمن خط المعالجات ذاته؛ فعلى سبيل المثال: إن معالج Intel Core i3-8145U أفضل من Core i3-8109U لأن 145 رقم أكبر من 109.
ملاحظه
في الجيل الأول كان الموديل يتكون من 3 ارقام مثل core i5-560K اما من الجيل الثاني إلى الثامن من أربعة أرقام
🔹 ما هي معنى الحروف اللي بتكون موجودة نهاية مسميات معالجات انتل ؟
أ ) - حرفK : هو معالج مفتوح النواة يمكنك كسر سرعته الى اقصى درجة.
ب ) -حرف H : هو من معالجات الكمبيوتر المحمول ( اللاب توب ) جيد للألعاب بشكل كبير جدا و الجرافيك بشكل خاص يعطيك افضل اداء.
ج ) -حرفين HK : هو معالج يعطيك افضل افضل اداء فى الجرافيك بجانب انه مفتوح بمعني انه يمكنك كسر سرعته بكل سهولة .
د ) - حرفين HQ : يعطيك اعلى اداء للجرافيك و الرسومات حيث يحتوى على 4 أنوية بدلاً من 2 كما هو الحال مع المعالجات التى تحمل حرف K.
ه ) - حرف U : معالج منتشر بكثرة على الحواسيب المحمولة ( اللاب توب ) و هو موفر للطاقة حتى لا ينفذ شحن البطارية بسرعة. حيث يكون أدائها بين منخفض ومتوسط
هذا النوع من معالجات انتل غير مناسب للألعاب أو أعمال التصميم و الموشن جرافيكس.
و ) - حرفT : هو معالج موفر للطاقة و لكن هذا يقتصر فقط على الحواسيب المكتبية ( الديسك توب )
لذلك فالأداء يكون متوسط قليلا ولا يصلح للشغل الثقيل كالألعاب أو الجرافيكس
ز ) -حرف M : مواجهة بشكل خاص إلى أي جهاز محمول، سواء أو لاب توب أو الحواسيب اللوحية الهجينة، فهي معالجات مدمجة في اللوحة الام وتقدم أداء منخفض ولا تستهلك الكثير من طاقة البطارية.
ح ) - حرفF : ضمن اسمها مواصفات مشابهة للمعالجات العادية أو الخام، لكن لا تحتوي على كارت شاشة مدمج ومع ذلك فهي شائعة جدًا بين محبي الألعاب وذلك مع استخدام كرت شاشه خارجي
ط ) - حرفY : في اسمها تصنف على أنها الأسوأ من ناحية الأداء والأفضل من ناحية توفير الطاقة، بينما أدائها يكفي لإنجاز المهام العادية كتصفح الانترنت ومشاهدة الأفلام...إلخ
ي ) - حرفX : هذا النوع من المعالج فائق القوة والسرعة، يوجد فقط في معالج كور Core i7 وكور Core i9 فقط
تقديم أداء خرافي مع قابلية كسر السرعة للمعالج بشكل طبيعي وبدون أي مشاكل.
🔸 معالجات انتل سيلرون وبينتيوم ضعيفة جدا بس لازم نتكلم عنهم
لا يوجد معالج ضعيف واخر قوى فلكل معالج استخدامه وسعره فمعالجات انتل سيلرون وبينتيم جائت لتلبى إحتياجات المستخدمين الذين لا يحتاجون الى تشغيل الالعاب او برامج تحتاج معالجه عاليه , فلماذا يقوم هذا المستخدم بشراء جهاز مزود بمعالج زيادة عن حاجته ؟
تحديث لل لمعالجات إنتل جيل 10 عاشر
• خارطة معالجات انتل ( الجيل العاشر) المثير هو موضوع ال Threads في زيادة على عدد الثريدز خاصه Core i3 لتقترب بذلك من اداء معالجات الرايزن
• Core i3 4 Core 8 Threads
• Core i5 6 Core 12 Threads
• Core i7 8 Core 16 Threads
• Core i9 10 Core 20 Threads
• دقة التصنيع بالنسبه لشركة إنتل ما زالت 14nm ولم تستطيع للان تجاوز هذا الحد دة ، طبعا هذا يعني انه لا تحسينات على موضوع الحراره الا اذا تجاوزت هاي الدقة وشركة انتل غير قادره حاليا
• المعالجات سوف تدعم قنوات الذاكره ابتداءً من 3200mhz طبعا مستثنى معالج او برسيسور كور Core i3
• المعالجات تتضمن بطاقه رسوميات UHD 730
• مقبس جديد ( سوكيت LGA 1200 ) مع احتماليه لدعم المبردات القديمه لهذا المقبس كون التغيير على شكل السوكيت الداخلي لا الخارجي واضح بالصوره تعديلات المقبس مع زياده بعدد ال pin
• لا تحديثات على PCI-E وسيبقى يعمل على 3.0 بعكس شركة AMD الي وصلت الى PCI-E الجيل الاحدث 4.0
• استهلاك الطاقه بالنسبه لمعالجات فية حرف K الاحترافيه رح يكون من 95-125W
التغيير الجذري بالمعالجات هو زياده في الثريدز وهذة خطوة جديده من انتل بس وضع شركة AMD ومعالجاتها اجبر فريق شركة
انتل على هذة الخطوة
***********************
***********************
ليست هناك تعليقات: